Skátafélagið

skatastarf-bannermynd

Skátafélögin í landinu eru mikilvægustu starfseiningar skátastarfs á Íslandi. Þau veita skátaflokkum og -sveitum þá umgjörð sem nauðsynleg er í ábyrgu æskulýðsstarfi. 

Meginhlutverk skátafélaganna er að standa fyrir reglubundnu skátastarfi fyrir börn og ungmenni á aldrinum 7-22 ára, sem starfa að jafnaði í aldursskiptum skátasveitum sem skipað er í flokka, auk skátaforingja og annarra fullorðinna.

Ábyrgð skátafélaganna er mikil og því starfa þau eftir lögum og reglugerðum BÍS, æskulýðslögum, öðrum landslögum sem snerta starfsemi þeirra og þeim meginreglum sem stofnandi skátahreyfingarinnar, Baden-Powell, setti skátastarfi í skátaheiti og skátalögum.

Á þessar síðu er að finna mikilvægar upplýsingar um hlutverk, ábyrgð og skyldur skátafélaganna og skátaforingja auk margvíslegs fróðleiks sem nýtist félagsstjórnum og skátaforingjum í starfi sínu. Hér er að auki að finna efni um skátaflokkinn og skátasveitina, sjálfboðaliða í skátastarfi, skátabúninginn og annað sem snertir umgjörð skátastarfs í skátafélagi.

Skátafélagið

form_ljosblar_326x180_tskatafelagid

Það er að mörgu að hyggja fyrir stjórnendur góðs skátafélags svo tryggt sé að skátaforingjarnir, flokkar og sveitir búi við þá umgjörð sem nauðsynleg er í góðu æskulýðsstarfi. Meðal verkefna sem nefna má eru áætlanagerð, fjármál og rekstur, umsjón með húsnæði og stundum skála, samskipti við starfandi skáta í félaginu, foreldra og fjölmiðla, skipulagning viðburða, umsjón með félagatali og svo mætti lengi telja.

:: Lesa meira um skátafélagið

Skátaforinginn

form_ljosblar_326x180_taktu_thatt

Skátaforinginn er burðarásinn í öllu skátastarfinu. Hann er lögráða einstaklingur sem hefur verið skipaður til ábyrgðastarfa af hálfu félagsforingja eða skátahöfðingja, samanber reglugerð um hæfi skátaforingja. Hver skátaforingi ber ábyrgð gagnvart foringja sínum á því að skátastarf á hans vegum sé virkt og í samræmi við skátaheitið, skátalögin, landslög, lög og grundvallarstefnu Bandalags íslenskra skáta.

:: Lesa meira um skátaforingjann

 

Skátaflokkurinn

form_ljosblar_326x180_skataflokkurinn

Flokkakerfið er sá vettvangur þar sem skátarnir þroskast og læra að vinna saman. Vináttubönd myndast og hópurinn þróast. Skátarnir velja sér sjálfir flokk og ákjósanleg stærð hvers flokks er 5-8 skátar. Gæta þarf þess að flokkarnir fái nægt svigrúm í skátastarfinu og frelsi og sjálfstæði sem hæfir aldri skátanna.

:: Lesa meira um skátaflokkinn

Skátasveitin

form_ljosblar_326x180_skatasveitin

Skátasveitin er stuðningskerfi flokkanna og er samsett úr öllum flokkunum sem eru á sama aldursstigi, ásamt fullorðnu sveitarforingjunum sem styðja við starf þeirra. Þegar margir skátar eru á hverju aldursstigi í skátafélagi eru stundum myndaðar fleiri en ein skátasveit. Helsta hlutverk skátasveitanna er að hafa umsjón með og styrkja flokkakerfið og styðja frjálsræði og sjálfstæði skátaflokkanna.

:: Lesa meira um skátasveitina

Skátalög og skátaheit

form_ljosblar_326x180_skatalogogheit

Siðferðileg gildi skátahreyfingarinnar er að finna í skátaheitinu og skátalögunum. Fyrirmynd þeirra er í samþykktum alþjóðahreyfinga skáta  – en orðalag er svolítið mismunandi eftir löndum, menningarheimum og tungumálum.

:: Lesa meira um skátalög og skátaheit

Skátabúningurinn

form_ljosblar_326x180_skatabuningurinn

Þegar Baden Powell lagði grunninn að skátastarfinu taldi hann nauðsynlegt að það sæist ekki á klæðaburði þeirra hvort þeir kæmu frá fátækum heimilum eða efnuðum. Skátastarfið væri fyrir alla og í­ skátastarfi væru allir jafnir. Þegar börn hittast er samanburður í­ klæðnaði auðveldur. Skátabúningurinn á að hindra að þessi samanburður geti farið fram en auk þess er hann skemmtilegt sameiningartákn og setur skemmtilegan brag á starfið.

:: Lesa meira um skátabúninginn

Sjálfboðaliðar í skátastarfi

form_ljosblar_326x180_forsetinn

Skátahreyfingin þarf á fullorðnu fólki að halda til þess að markmiðum hennar verði náð. Það þarf fjölda fullorðinna sjálfboðaliða af báðum kynjum til þess að skátastarf fyrir börn, unglinga og ungt fólk geti gengið upp. Sumir vinna beint með skátunum sem sveitarforingjar og aðstoðarsveitarforingjar og aðrir vinna að alls konar viðfangsefnum „baksviðs“ sem nauðsynleg eru til þess að skátastarf blómstri, t.d. stjórnarstörf og margs konar verkefnastjórnun í skátafélögum og hjá BÍS, störf tengd útgáfu, fræðslu- og fjármálum.

:: Lesa meira um fullorðna sjálfboðaliða