Samið um tjaldbúðir í Hveragerði vegna World Scout Moot

Miðvikudaginn 1. mars undirrituðu Aldís Hafsteinsdóttir bæjarstjóri Hveragerðis, Guðríður Helgadóttir hjá landbúnaðarháskóla Íslands og Jón Ingvar Bragason framkvæmdastjóri World Scout Moot, samkomulag á milli sveitarfélagsins, Landsbúnaðarháskólans og World Scout Moot um tjaldbúðir í Hveragerði. Samkomulagið tekur til að Landbúnaðarháskóli Íslands leggur til tjaldsvæði við skólann fyrir allt að 400 manns dagana 25.-29. júlí, Hveragerðisbær munu m.a. bjóða þátttakendur á Moot fá frítt í sund þá daga sem tjaldbúðin verður í Hveragerði. Þátttakendur á World Scout Moot munu leggja sitt af mörkum á svæðinu með samfélagsverkefnum eins og gróðursetningu, hreinsun, stígagerð, þátttaka í menningarviðburðum svo fátt eitt sé nefnt.

Skátafélagið Strókur munu sjá um tjaldbúðirnar í Hveragerði. En félagið hefur lagt mikinn metnað í að undirbúa tjaldbúðir og það að sýna fram á möguleikana sem svæðið hefur uppá að bjóða.

Jón Ingvar sagðist hlakka til samstarfsins við Hveragerðisbæ og Landbúnaðarháskólann og við þökkum fyrir þann góða stuðning og áhuga sem sveitarfélagið sýnir þessu risa verkefni sem World Scout Moot er.

MYND: Guðríður, Jón Ingvar, Daníel, Jóhanna og Aldís.

Nánar

:: World Scout Moot

ENGIN UMSÖGN

Skilja eftir svar