Fræðsla & námskeið

fraedsla-bannermynd
Það uppeldis- og menntunarstarf sem felst í skátastarfinu hefur það að markmiði að skapa ungu fólki tækifæri til sjálfsnáms og aukinnar samfélagsvitundar – til að verða sjálfstæðir, virkir og ábyrgir þjóðfélagsþegnar og til að láta gott af sér leiða í nærsamfélagi sem og í samfélagi mannkynsins í heild.

Skátastarf snýst um uppeldi til lýðræðislegrar þátttöku og sjálfbærrar þróunar. Það eflir raunhæft sjálfsmat einstaklingsins og sjálfstraust – en jafnframt hæfileika til að vinna með öðrum. Skátastarf er leiðtogaþjálfun – ekki í þeim skilningi að í skátastarfi séu einstaklingarnir þjálfaðir til að stjórna öðrum heldur til að vinna með öðrum að settu marki og ekki síst til að verða leiðtogar í eigin lífi.

Gilwell-leiðtogaþjálfun

form_ljosblar_326x180_gilwell

Fullorðnir skátar eru kjölfestan í góðu skátastarfi. Þeir eru ábyrgir fyrir uppeldishlutverki hreyfingarinnar.

Gilwell-leiðtogaþjálfunin er persónuleg vegferð hinna fullorðnu til að halda áfram að þroskast og eflast í lífi og starfi.

:: Lesa meira um Gilwell-leiðtogaþjálfun

Námskeið

form_ljosblar_326x180_namskeid

BÍS býður skátafélögum og sjálfboðaliðum í skátastarfi upp á fjölda kvöld- eða dagnámskeiða til stuðnings skátastarfi og starfsgrunni skátastarfs.

Námskeiðin fara ýmist fram hjá BÍS eða skátafélögununum.

:: Lesa meira um námskeið

Vítamínkvöld

form_ljosblar_326x180_fraedslukvold

Vítamínkvöld Skátamiðstöðvarinnar er ætlað að gefa skátafélögum á Íslandi verkfæri til að efla skátastarf og leiða saman skáta og áhugafólk um skátastarf til að eiga skemmtilega kvöldstund í Skátamiðstöðinni.

Tilgangurinn er að auðvelda skátafélögum að vinna að markmiðum skátahreyfingarinnar.

:: Lesa meira um Vítamínkvöldin