Allar tilkynningar og annað sem skrifað er.

Landnemamót er að sjálfsögðu á sínum stað í sumar 23.-25. júní. Þemað í ár verður Heimsborgari! Mótið er fyrir Fálkaskáta og eldri og hlökkum við til að sjá sem flesta með bros á vör í Viðey. Mótsgjald: 5000 krónur (ef skráð er fyrir 9. júní) Almennt gjald: 6500 krónur (eftir 9. júní) Starfsmannagjald: 2000 krónur Heimsóknargjald (Laugardagur): 1200 krónur. Sistkynaafsláttur: 10%
Skráning er á https://skatar.felog.is/.
Hér má finna Facebook síðu mótsins.

Skátafélagið Kópar býður öllum skátum í fjölskylduferð

Fimmtudaginn 25. maí (uppstigningardag) verður farin fjölskylduferð í skátaskálann Þrist sem er í eigu Kópa.

Hist verður við Hrafnhóla klukkan 12:00, þaðan geta þeir sem vilja gengið að skálanum (ca. 30-40 mín), en líka er hægt að keyra nær, jafnvel upp að gili og rölta þaðan.

Í Þristi verður boðið upp á smá hressinu (kakó, kaffi og meðlæti) en mælt er með að taka með nesti. Farið verður í leiki og sungið saman áður en haldið verður heim á leið.

Munum að klæða okkur eftir veðri.

Hlökkum til að sjá sem flesta

Staðsetning:Þristur er í Þverárdal undir Móskarðshnúkum.

Akstur: Ekið er sem leið liggur inn Mosfellsdalinn, framhjá Gljúfrasteini og u.þ.b. 2 km til viðbótar. Þá er afleggjari til vinstri (í norður) og við hann stendur rafmagnsskúr sem er A-hús. Ekið er upp þann afleggjara þar til komið er að bænum Hrafnhólum. Þar er farið niður fyrir bæinn meðfram ánni og þegar komið er að vaði yfir ánna er EKKI farið lengra heldur farið í gegnum hlið sem er þar hægra megin. Þá er ekið eins og leið liggur eftir veginum þangað til komið er að stóru gili. Þar er best að leggja bílnum og ganga síðasta spölin sem er u.þ.b. 300 m./ 10 mín ganga.  Á sumrin er hægt að komast að planinu við gilið á fólksbíl/góðum jeppa en á veturna er það ekki ráðlagt.  Snjór er ruddur að Hrafnhólum og er um 30 mínútna gangur þaðan að skála

Bandalag íslenskra skáta óskar eftir því að ráða framkvæmdastjóra Grænna skáta.

Um framtíðarstarf er að ræða.

Tilgangur starfs

• Afla fjár fyrir Bandalag íslenskra skáta.

• Rekstur Grænna skáta ehf. og Skátabúðarinnar ehf.

• Stjórna starfseminni og vera málsvari

fyrirtækisins út á við.

• Sinna öðrum fjáröflunar- og samfélagsverkefnum

skátahreyfingarinnar.

 

Ábyrgðar- og stjórnunarsvið

• Daglegur rekstur beggja eininga.

• Dagleg umsýsla, áætlanagerð, markaðs- og

kynningarmál, fjármál og starfsmannahald.

• Samskipti við birgja, viðskiptavini og aðra

hagsmunaaðila.

 

Menntunar- og hæfniskröfur

• Menntun sem nýtist í starfi.

• Stjórnunarreynsla er skilyrði.

• Viðkomandi þarf að geta unnið sjálfstætt, eiga auðvelt með samskipti og sýna frumkvæði í starfi.

• Leitað er að einstaklingi sem getur tekið þátt í almennum störfum fyrirtækisins ef á þarf að halda.

• Leitað er eftir einstaklingi sem getur stýrt og unnið með einstaklingum með skerta starfsgetu.

Auglýsing á Pdf formi

Umsóknarfrestur er til 26. maí. Umsóknum skal skilað til framkvæmdastjóra Bandalags íslenskra skáta á netfangið: hermann@skatar.is

www.dosir.is